nazar aaya tha subh dur se wo

nazar aaya thā sub.h duur se vo

phir chhupā ḳhur sā apne nuur se vo

juz barādar aziiz yūsuf ko

nahīñ likhtā kabhū ġhurūr se vo

dekheñ āshiq kā jī bhī hai ki nahīñ

tang hai jān-e-nā-subūr se vo

kyā tasavvur meñ phere hai sūrat

ki saraktā nahīñ huzūr se vo

ḳhūbī is ḳhūbī se bashar meñ kahāñ

ḳhūb-tar hai parī-o-hūr se vo

dil liyā jis ġhamīñ kā tū ne shoḳh

de gayā jī hī ik surūr se vo

ḳhush haiñ dīvāngī-e-'mīr' se sab

kyā junūñ kar gayā shu.ūr se vo

nazar aaya tha subh dur se wo

phir chhupa KHur sa apne nur se wo

juz baradar aziz yusuf ko

nahin likhta kabhu ghurur se wo

dekhen aashiq ka ji bhi hai ki nahin

tang hai jaan-e-na-subur se wo

kya tasawwur mein phere hai surat

ki sarakta nahin huzur se wo

KHubi is KHubi se bashar mein kahan

KHub-tar hai pari-o-hur se wo

dil liya jis ghamin ka tu ne shoKH

de gaya ji hi ek surur se wo

KHush hain diwangi-e-'mir' se sab

kya junun kar gaya shuur se wo