palkon pe the para-e-jigar raat

palkoñ pe the pāra-e-jigar raat

ham āñkhoñ meñ le ga.e basar raat

ik din to vafā bhī karte va.ada

guzrī hai umīd-vār har raat

mukhḌe se uThā.īñ un ne zulfeñ

jaanā bhī na ham ga.ī kidhar raat

tū paas nahīñ huā to rote

rah rah ga.ī hai pahar pahar raat

kyā din the ki ḳhuun thā jigar meñ

ro uThte the baiTh dopahar raat

vaañ tum to banāte hī rahe zulf

āshiq kī bhī yaañ ga.ī guzar raat

saaqī ke jo aane kī ḳhabar thī

guzrī hameñ saarī be-ḳhabar raat

kyā soz-e-jigar kahūñ maiñ hamdam

aayā jo suḳhan zabān par raat

sohbat ye rahī ki sham-ravī

le shaam se tā-dam-e-sahar raat

khultī hai jab aañkh shab ko tujh bin

kaTtī nahīñ aatī phir nazar raat

din vasl kā yuuñ kaTā kahe tū

kaaTī hai judā.ī kī magar raat

kal thī shab-e-vasl ik adā par

us kī ga.e hote ham tū mar raat

jaage the hamāre baḳht-e-ḳhufta

pahuñchā thā baham vo apne ghar raat

karne lagā pusht-e-chashm-e-nāzuk

sote se uThā jo chauñk kar raat

thī sub.h jo muñh ko khol detā

har-chand ki tab thī ik pahar raat

par zulfoñ meñ muñh chhapā ke pūchhā

ab hovegī 'mīr' kis qadar raat

palkon pe the para-e-jigar raat

hum aankhon mein le gae basar raat

ek din to wafa bhi karte wada

guzri hai umid-war har raat

mukhDe se uThain un ne zulfen

jaana bhi na hum gai kidhar raat

tu pas nahin hua to rote

rah rah gai hai pahar pahar raat

kya din the ki KHun tha jigar mein

ro uThte the baiTh dopahar raat

wan tum to banate hi rahe zulf

aashiq ki bhi yan gai guzar raat

saqi ke jo aane ki KHabar thi

guzri hamein sari be-KHabar raat

kya soz-e-jigar kahun main hamdam

aaya jo suKHan zaban par raat

sohbat ye rahi ki sham-rawi

le sham se ta-dam-e-sahar raat

khulti hai jab aankh shab ko tujh bin

kaTti nahin aati phir nazar raat

din wasl ka yun kaTa kahe tu

kaTi hai judai ki magar raat

kal thi shab-e-wasl ek ada par

us ki gae hote hum tu mar raat

jage the hamare baKHt-e-KHufta

pahuncha tha baham wo apne ghar raat

karne laga pusht-e-chashm-e-nazuk

sote se uTha jo chaunk kar raat

thi subh jo munh ko khol deta

har-chand ki tab thi ek pahar raat

par zulfon mein munh chhapa ke puchha

ab howegi 'mir' kis qadar raat