phir ab chalo chaman mein khile ghunche ruk gae

phir ab chalo chaman meñ khile ġhunche ruk ga.e

shāḳhoñ samet phuul nihāloñ ke jhuk ga.e

chandeñ hazār dīda-e-gul rah ga.e khule

afsos hai chaman kī taraf tum na Tuk ga.e

bhaḌkī thī jab ki ātish-e-gul phuul paḌ gayā

bāl-o-par-e-tuyūr-e-chaman 'mīr' phuk ga.e

phir ab chalo chaman mein khile ghunche ruk gae

shaKHon samet phul nihaalon ke jhuk gae

chanden hazar dida-e-gul rah gae khule

afsos hai chaman ki taraf tum na Tuk gae

bhaDki thi jab ki aatish-e-gul phul paD gaya

baal-o-par-e-tuyur-e-chaman 'mir' phuk gae