phire hai wahshi sa gum-gashta ishq ka tera

phire hai vahshī sā gum-gashta ishq kā terā

sabhoñ se paate haiñ begāna āshnā terā

dareġh-o-dard tujhe kyoñ hai yaañ to jī hī ga.e

huā hai ek nigah meñ ziyān kyā terā

jahāñ bharā hai tire shor-e-husn-o-ḳhūbī se

laboñ pe logoñ ke hai zikr jā-ba-jā terā

nigāh ek idhar ek teġh-e-tez kī aur

hamārā ḳhuun hī karnā hai mudda.ā terā

nazar kinhoñ ne na kī hāl-e-'mīr' par afsos

ġharīb-e-shahr-e-vafā thā vo ḳhāk-e-pā terā

phire hai wahshi sa gum-gashta ishq ka tera

sabhon se pate hain begana aashna tera

daregh-o-dard tujhe kyon hai yan to ji hi gae

hua hai ek nigah mein ziyan kya tera

jahan bhara hai tere shor-e-husn-o-KHubi se

labon pe logon ke hai zikr ja-ba-ja tera

nigah ek idhar ek tegh-e-tez ki aur

hamara KHun hi karna hai muddaa tera

nazar kinhon ne na ki haal-e-'mir' par afsos

gharib-e-shahr-e-wafa tha wo KHak-e-pa tera