phirti hain uski aankhen aankhon tale hamesha

phirtī haiñ us kī āñkheñ āñkhoñ tale hamesha

rahtā hai āb-e-dīda yaañ tā-gale hamesha

tasdī' ek do din hove to koī khīñche

taḌpe jigar hamesha chhātī jale hamesha

ik us muġhal-bache ko vā'da vafā na karnā

kuchh jā kaheñ to karnā aare bale hamesha

kab tak vafā karegā yuuñ hausla hamārā

dil piise dard aksar ġham jī male hamesha

is jism-e-ḳhākī se ham miTTī meñ aT rahe haiñ

yuuñ ḳhaak meñ kahāñ tak koī rule hamesha

ā.inda-o-ravinda bād-e-sahar kabūtar

qāsid nayā udhar ko kab tak chale hamesha

masjid meñ chal ke miliye jum'e ke din bane to

hote haiñ 'mīr' sāhib vaañ din Dhale hamesha

phirti hain us ki aankhen aankhon tale hamesha

rahta hai aab-e-dida yan ta-gale hamesha

tasdi' ek do din howe to koi khinche

taDpe jigar hamesha chhati jale hamesha

ek us mughal-bache ko wa'da wafa na karna

kuchh ja kahen to karna aare bale hamesha

kab tak wafa karega yun hausla hamara

dil pise dard aksar gham ji male hamesha

is jism-e-KHaki se hum miTTi mein aT rahe hain

yun KHak mein kahan tak koi rule hamesha

aainda-o-rawinda baad-e-sahar kabutar

qasid naya udhar ko kab tak chale hamesha

masjid mein chal ke miliye jum'e ke din bane to

hote hain 'mir' sahib wan din Dhale hamesha