qatl-gah mein dast-bos us ka karen fil-faur log

qatl-gah meñ dast-bos us kā kareñ fil-faur log

ham khaḌe talvāreñ khāveñ naqsh māreñ aur log

kaj-ravī ham āshiqoñ se us kī bas ab jā chukī

ek to nā-sāz phir us se mile be-taur log

zaḳhm-e-teġh-e-yār ġhā.ir ho ke pahuñchā dil talak

haif mere haal par karte nahīñ Tuk ġhaur log

jā ke duniyā se tujhe yaad ā.ūñgā maiñ bhī bahut

baad mere kab uThāveñge tire ye jaur log

rasm-o-ādat hai ki har-yak vaqt kā hotā hai zikr

'mīr' baare yaad kar roveñge kyā ye daur log

qatl-gah mein dast-bos us ka karen fil-faur log

hum khaDe talwaren khawen naqsh maren aur log

kaj-rawi hum aashiqon se us ki bas ab ja chuki

ek to na-saz phir us se mile be-taur log

zaKHm-e-tegh-e-yar ghair ho ke pahuncha dil talak

haif mere haal par karte nahin Tuk ghaur log

ja ke duniya se tujhe yaad aaunga main bhi bahut

baad mere kab uThawenge tere ye jaur log

rasm-o-adat hai ki har-yak waqt ka hota hai zikr

'mir' bare yaad kar rowenge kya ye daur log