raftan-e-rangin-e-gul-ruyan se kya Thahraw ho

raftan-e-rangīn-e-gul-rūyāñ se kyā Thahrāv ho

saath un ke chal tamāshā kar le jis ko chaav ho

qad jo ḳham piirī se ho to sar kā dhunnā hech hai

ho chukā honā jo kuchh thā ab 'abas pachhtāo ho

ḳhuun ke sailāb meñ Duube huoñ kā kyā shumār

Tuk bahe vo jadval-e-shamshīr to suthrāv ho

thī vafā-o-mehr to bābat dayār-e-'ishq kī

dekheñ shahr-e-husn meñ is jins kā kyā bhaav ho

girya-e-ḳhūnīñ se haiñ ruḳhsār mere lā'l-e-tar

dīda-e-ḳhūñ-bār yuuñ haiñ jaise muñh par ghaav ho

raftan-e-rangin-e-gul-ruyan se kya Thahraw ho

sath un ke chal tamasha kar le jis ko chaw ho

qad jo KHam piri se ho to sar ka dhunna hech hai

ho chuka hona jo kuchh tha ab 'abas pachhtao ho

KHun ke sailab mein Dube huon ka kya shumar

Tuk bahe wo jadwal-e-shamshir to suthraw ho

thi wafa-o-mehr to babat dayar-e-'ishq ki

dekhen shahr-e-husn mein is jins ka kya bhaw ho

girya-e-KHunin se hain ruKHsar mere la'l-e-tar

dida-e-KHun-bar yun hain jaise munh par ghaw ho