rahte hain bahut dil ke hum aazar se na-KHush

rahte haiñ bahut dil ke ham āzār se nā-ḳhush

bistar pe gire rahte haiñ bīmār se nā-ḳhush

jaanā jo muqarrar hai mirā dār-e-fanā se

is bastī ke maiñ huuñ dar-o-dīvār se nā-ḳhush

hamvārī se haiñ narm-o-ḳhashin ek se donoñ

ḳhush haiñ na gul-e-tar se na ham ḳhaar se nā-ḳhush

sar-rishta-e-dil-band nahīñ zulf-o-kamar meñ

kyā jāniye ham kis liye haiñ yaar se nā-ḳhush

hai ishq meñ sohbat mirī ḳhūbāñ kī ajab kuchh

iqrār se bezār haiñ inkār se nā-ḳhush

ḳhush rahte haiñ ahbāb baham rabt kiye se

rahte ho tumhīñ ek mire pyaar se nā-ḳhush

ik baat kā bhī logoñ meñ phappaT use karnā

ham haiñge bahut 'mīr' ke bistār se nā-ḳhush

rahte hain bahut dil ke hum aazar se na-KHush

bistar pe gire rahte hain bimar se na-KHush

jaana jo muqarrar hai mera dar-e-fana se

is basti ke main hun dar-o-diwar se na-KHush

hamwari se hain narm-o-KHashin ek se donon

KHush hain na gul-e-tar se na hum KHar se na-KHush

sar-rishta-e-dil-band nahin zulf-o-kamar mein

kya jaaniye hum kis liye hain yar se na-KHush

hai ishq mein sohbat meri KHuban ki ajab kuchh

iqrar se bezar hain inkar se na-KHush

KHush rahte hain ahbab baham rabt kiye se

rahte ho tumhin ek mere pyar se na-KHush

ek baat ka bhi logon mein phappaT use karna

hum hainge bahut 'mir' ke bistar se na-KHush