sade jitne nazar aate hain dekho to ayyar hain sab

saade jitne nazar aate haiñ dekho to ayyār haiñ sab

zard-o-zār-o-zubūñ jo ham haiñ chāhat ke bīmār haiñ sab

sail se halke āshiq hoñ to josh-o-ḳharosh bhareñ aaveñ

tah paa.ī nahīñ jaatī un kī dariyā se tah-dār haiñ sab

ek pareshāñ turfa jamā.at dekhī chāhne vāloñ kī

jiine ke ḳhvāhān nahīñ haiñ marne ko tayyār haiñ sab

kyā kyā ḳhvāhish be-kas bebas mushtāq us se rakhte haiñ

lekin dekh ke rah jaate haiñ chupke se nā-chār haiñ sab

ishq jinhoñ kā pesha hove saiñkaḌoñ hoñ to ek hī haiñ

kohkan-o-majnūñ-o-vāmiq 'mīr' hamāre yaar haiñ sab

sade jitne nazar aate hain dekho to ayyar hain sab

zard-o-zar-o-zubun jo hum hain chahat ke bimar hain sab

sail se halke aashiq hon to josh-o-KHarosh bharen aawen

tah pai nahin jati un ki dariya se tah-dar hain sab

ek pareshan turfa jamaat dekhi chahne walon ki

jine ke KHwahan nahin hain marne ko tayyar hain sab

kya kya KHwahish be-kas bebas mushtaq us se rakhte hain

lekin dekh ke rah jate hain chupke se na-chaar hain sab

ishq jinhon ka pesha howe sainkaDon hon to ek hi hain

kohkan-o-majnun-o-wamiq 'mir' hamare yar hain sab