sab sar-guzasht sun chuke ab chupke ho raho

sab sar-guzasht sun chuke ab chupke ho raho

āḳhir huī kahānī mirī tum bhī so raho

josh-e-muhīt-e-ishq meñ kyā jī se guftugū

is gauhar-e-girāmī se ab haath dho raho

funduq to hai pe ye bhī tamāshe kā rang hai

Tuk uñgliyoñ ko ḳhuun meñ mere Dubo raho

itnā siyāh-ḳhāna-e-āshiq se nang kyā

kitne dinoñ meñ aa.e ho yaañ raat to raho

Thahrāv tum ko shoḳhī se juuñ barq Tuk nahīñ

Thahre to Thahre dil bhī mirā nichle jo raho

ham-ḳhvāb tujh se ho ke rahā jaave kis tarah

milte hue samajh ke kahā kar raho raho

ḳhatra bahut hai 'mīr' rah-e-sā'b-e-ishq meñ

aisā na ho kahīñ ki dil-o-dīñ ko kho raho

sab sar-guzasht sun chuke ab chupke ho raho

aaKHir hui kahani meri tum bhi so raho

josh-e-muhit-e-ishq mein kya ji se guftugu

is gauhar-e-girami se ab hath dho raho

funduq to hai pe ye bhi tamashe ka rang hai

Tuk ungliyon ko KHun mein mere Dubo raho

itna siyah-KHana-e-ashiq se nang kya

kitne dinon mein aae ho yan raat to raho

Thahraw tum ko shoKHi se jun barq Tuk nahin

Thahre to Thahre dil bhi mera nichle jo raho

ham-KHwab tujh se ho ke raha jawe kis tarah

milte hue samajh ke kaha kar raho raho

KHatra bahut hai 'mir' rah-e-sa'b-e-ishq mein

aisa na ho kahin ki dil-o-din ko kho raho