sabr bahut tha ek samayn mein ja se apni na jate hum

sabr bahut thā ek samayñ meñ jā se apnī na jaate ham

kis kis naaz se ve aate par aañkh na un se milāte ham

kā'be se kar nazr uThe so ḳharj-e-rāh ai-vā.e hue

varna sanam-ḳhāne meñ jā zunnār gale se bañdhāte ham

hāthī mast bhī aave chalā to us se muñh ko pher na leñ

phirte haiñ sarmast-e-mohabbat mai-nā-ḳhurda maate ham

haa.e javānī vo na gale lagtā to ḳhashm-e-ishqī se

naa’l jaḌī jaatī chhātī par gul hāthoñ par khāte ham

'ishq to kār-e-ḳhūb hai lekin 'mīr' khiñche hai ranj bahut

kaash ke ‘ālam-e-hastī meñ be-‘ishq-o-mohabbat aate ham

sabr bahut tha ek samayn mein ja se apni na jate hum

kis kis naz se we aate par aankh na un se milate hum

ka'be se kar nazr uThe so KHarj-e-rah ai-wae hue

warna sanam-KHane mein ja zunnar gale se bandhate hum

hathi mast bhi aawe chala to us se munh ko pher na len

phirte hain sarmast-e-mohabbat mai-na-KHurda mate hum

hae jawani wo na gale lagta to KHashm-e-ishqi se

na’l jaDi jati chhati par gul hathon par khate hum

'ishq to kar-e-KHub hai lekin 'mir' khinche hai ranj bahut

kash ke ‘alam-e-hasti mein be-‘ishq-o-mohabbat aate hum