sabr kiya jata nahin humse zoaf bhi hai betabi hai

sabr kiyā jaatā nahīñ ham se zo.af bhī hai betābi hai

sahl nahīñ hai jī kā Dhahnā kaisī ḳhāna-ḳharābī hai

aage aisā nikhrā nikhrā kaahe ko maiñ phirtā thā

jab se aañkh lagī us mah se rang mirā mahtābī hai

kis se sabab maiñ pūchhūñ yā-rab apnī sozish-e-sīna kā

chhātī jo jaltī rahtī hai at gat aag magar yaañ daabī hai

ranj-o-mehan ne ishq ke mujh ko rāhat se māyūs kiyā

dil ke ta.iiñ betābi hai merī āñkhoñ ko be-ḳhvābī hai

abr koī royā hai shāyad barsoñ vādī-e-lailā meñ

sair kiyā vo qit.a zamīñ kā ab tak bhī sairābī hai

shahr-e-husn ajab bastī hai DhūñDe paidā mahr nahīñ

hai to matā-e-girāñ-qīmat phir us kī balā nāyābī hai

dar-ba-dar-o-rusvā-o-āshiq shā.ir shāġhil kāmil 'mīr'

gah ka.abe meñ dair meñ gaahe kyā kāfir har-bābī hai

sabr kiya jata nahin hum se zoaf bhi hai betabi hai

sahl nahin hai ji ka Dhahna kaisi KHana-KHarabi hai

aage aisa nikhra nikhra kahe ko main phirta tha

jab se aankh lagi us mah se rang mera mahtabi hai

kis se sabab main puchhun ya-rab apni sozish-e-sina ka

chhati jo jalti rahti hai at gat aag magar yan dabi hai

ranj-o-mehan ne ishq ke mujh ko rahat se mayus kiya

dil ke tain betabi hai meri aankhon ko be-KHwabi hai

abr koi roya hai shayad barson wadi-e-laila mein

sair kiya wo qita zamin ka ab tak bhi sairabi hai

shahr-e-husn ajab basti hai DhunDe paida mahr nahin

hai to mata-e-giran-qimat phir us ki bala nayabi hai

dar-ba-dar-o-ruswa-o-ashiq shair shaghil kaamil 'mir'

gah kabe mein dair mein gahe kya kafir har-babi hai