sar pe aashiq ke na ye roz-e-siyah laya karo

sar pe āshiq ke na ye roz-e-siyah laayā karo

jī ulajhtā hai bahut mat baal suljhāyā karo

tāb-e-mah kī taab kab hai nāzukī se yaar ko

chāñdnī meñ āftābī kā magar saaya karo

garche shān-e-kufr arfa.a hai vale ai rāhibāñ

ek do ham soñ ko bhī zunnār bañdhvāyā karo

shauq se dīdār ke bhī āñkhoñ meñ khiñch aaya jī

is samayñ meñ dekhne ham ko bahut aaya karo

kohkan kī hai qadam-gāh āḳhir ai ahl-e-vifāq

tauf karne be-sutūñ kā bhī kabhī jaayā karo

farq yār-o-ġhair meñ bhī ai butāñ kuchh chāhiye

itnī haT-dharmī bhī kyā insāf farmāyā karo

kab mayassar us ke muñh kā dekhnā aatā hai 'mīr'

phuul gul se apne dil ko tum bhī bahlāyā karo

sar pe aashiq ke na ye roz-e-siyah laya karo

ji ulajhta hai bahut mat baal suljhaya karo

tab-e-mah ki tab kab hai nazuki se yar ko

chandni mein aaftabi ka magar saya karo

garche shan-e-kufr arfa hai wale ai rahiban

ek do hum son ko bhi zunnar bandhwaya karo

shauq se didar ke bhi aankhon mein khinch aaya ji

is samayn mein dekhne hum ko bahut aaya karo

kohkan ki hai qadam-gah aaKHir ai ahl-e-wifaq

tauf karne be-sutun ka bhi kabhi jaya karo

farq yar-o-ghair mein bhi ai butan kuchh chahiye

itni haT-dharmi bhi kya insaf farmaya karo

kab mayassar us ke munh ka dekhna aata hai 'mir'

phul gul se apne dil ko tum bhi bahlaya karo