sufiyan KHum wa hue hain hae aankhen wa karo

sūfiyāñ ḳhum vā hue haiñ haa.e āñkheñ vā karo

abr aaya zor ġhairat tum bhī Tuk paidā karo

mastī-o-dīvāngī kā ahd hai bāzār meñ

pā.e-kūbāñ dast-afshāñ aan kar saudā karo

har jagah dilkash hai us kī barg-e-gul se jism meñ

ek jā to jī lagāo dil ke tiiñ bejā karo

hai takalluf hai ta.ayyun is qasab-poshī kī qaid

ḳhirqa-e-sad-chāk pahno aap ko rusvā karo

garche ham par-basta taa.ir haiñ par ai gul-hā-e-tar

kuchh hameñ parvā nahīñ hai tum agar par vā karo

sufiyan KHum wa hue hain hae aankhen wa karo

abr aaya zor ghairat tum bhi Tuk paida karo

masti-o-diwangi ka ahd hai bazar mein

pae-kuban dast-afshan aan kar sauda karo

har jagah dilkash hai us ki barg-e-gul se jism mein

ek ja to ji lagao dil ke tin beja karo

hai takalluf hai tayyun is qasab-poshi ki qaid

KHirqa-e-sad-chaak pahno aap ko ruswa karo

garche hum par-basta tair hain par ai gul-ha-e-tar

kuchh hamein parwa nahin hai tum agar par wa karo