taskin dard-mandon ko ya-rab shitab de
taskīn dard-mandoñ ko yā-rab shitāb de
dil ko hamāre chain de āñkhoñ ko ḳhvāb de
us kā ġhazab se naama na likhnā to sahl hai
logoñ ke pūchhne kā koī kyā javāb de
gul hai bahār tab hai jab āñkhoñ meñ ho nasha
jaatī hai fasl-e-gul kahīñ saaqī sharāb de
vo teġh merī tishna-e-ḳhūñ ho ga.ī hai kund
kar rahm mujh pe kāshke yaar us ko aab de
do-chār alam jo hoveñ to haiñ bābat-e-butāñ
kyā dard-e-be-shumār kā koī hisāb de
tār-e-nigah kā suut nahīñ bañdhtā zo.af se
be-jān hai ye rishta dilā is ko taab de
mizhgān-e-tar ko yaar ke chehre pe khol 'mīr'
is āb-ḳhasta sabze ko Tuk āftāb de
taskin dard-mandon ko ya-rab shitab de
dil ko hamare chain de aankhon ko KHwab de
us ka ghazab se nama na likhna to sahl hai
logon ke puchhne ka koi kya jawab de
gul hai bahaar tab hai jab aankhon mein ho nasha
jati hai fasl-e-gul kahin saqi sharab de
wo tegh meri tishna-e-KHun ho gai hai kund
kar rahm mujh pe kashke yar us ko aab de
do-chaar alam jo howen to hain babat-e-butan
kya dard-e-be-shumar ka koi hisab de
tar-e-nigah ka sut nahin bandhta zoaf se
be-jaan hai ye rishta dila is ko tab de
mizhgan-e-tar ko yar ke chehre pe khol 'mir'
is aab-KHasta sabze ko Tuk aaftab de
- Book : MIRIYAAT - Diwan No- 3, Ghazal No- 1296
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
