teri palken chubhti nazar mein bhi hain
tirī palkeñ chubhtī nazar meñ bhī haiñ
ye kāñTe khaTakte jigar meñ bhī haiñ
rahe phirte dariyā meñ girdāb se
vatan meñ bhī haiñ ham safar meñ bhī haiñ
kahāñ se ki majnūñ bhī ham sā hī thā
ġhalat ke shavā.ib nazar meñ bhī haiñ
na bhūlo nazākat lachak hī nahīñ
chhupe ḳhanjar us kī kamar meñ bhī haiñ
jhamak sath-e-ruḳh kī sī us ke kahāñ
safā-o-ziyā to guhar meñ bhī haiñ
dil-o-dilī donoñ agar haiñ ḳharāb
pe kuchh lutf is ujḌe ghar meñ bhī haiñ
chalo 'mīr' ke to tajassus ke baad
ki ve vahshī to apne ghar meñ bhī haiñ
teri palken chubhti nazar mein bhi hain
ye kanTe khaTakte jigar mein bhi hain
rahe phirte dariya mein girdab se
watan mein bhi hain hum safar mein bhi hain
kahan se ki majnun bhi hum sa hi tha
ghalat ke shawaib nazar mein bhi hain
na bhulo nazakat lachak hi nahin
chhupe KHanjar us ki kamar mein bhi hain
jhamak sath-e-ruKH ki si us ke kahan
safa-o-ziya to guhar mein bhi hain
dil-o-dili donon agar hain KHarab
pe kuchh lutf is ujDe ghar mein bhi hain
chalo 'mir' ke to tajassus ke baad
ki we wahshi to apne ghar mein bhi hain
- Book : MIRIYAAT - Diwan No- 3, Ghazal No- 1188
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
