tu gali mein uski ja aa wale ai saba na chandan

tū galī meñ us kī jā aa vale ai sabā na chandāñ

ki gaḌe hue phir ukhḌeñ dil-e-chāk-e-dard-mandāñ

tire tīr-e-nāz ke jo ye hadaf hue haiñ zālim

magar āhanī tave haiñ jigar-e-niyāz-mandāñ

kabhū zulf se butāñ kī na huā rihā maiñ hargiz

yahī haiñ shikār-e-ḳhasta yahī ‘ambarīñ kamandāñ

tabhī kauñd kauñd itnā tū zamīñ se jaa.e mil mil

nahīñ dekhe barq tū ne dam-e-ḳhanda us ke dandāñ

maiñ safā kiyā dil itnā ki dikhā.ī deve muñh bhī

vale muft is aa.ine ko nahīñ lete ḳhud-pasandāñ

khulīñ āñkheñ maiñ jo dekhā so ġham aur chashm-e-giryāñ

kise kahte haiñ na jaanā dil-e-shād-o-rū-e-ḳhandāñ

tū zubūñ-shikār to thā vale 'mīr' qatl-gah meñ

tire ḳhuuñ se haiñ hinā.ī kaf-e-pā-e-said-bandāñ

tu gali mein us ki ja aa wale ai saba na chandan

ki gaDe hue phir ukhDen dil-e-chaak-e-dard-mandan

tere tir-e-naz ke jo ye hadaf hue hain zalim

magar aahani tawe hain jigar-e-niyaz-mandan

kabhu zulf se butan ki na hua riha main hargiz

yahi hain shikar-e-KHasta yahi ‘ambarin kamandan

tabhi kaund kaund itna tu zamin se jae mil mil

nahin dekhe barq tu ne dam-e-KHanda us ke dandan

main safa kiya dil itna ki dikhai dewe munh bhi

wale muft is aaine ko nahin lete KHud-pasandan

khulin aankhen main jo dekha so gham aur chashm-e-giryan

kise kahte hain na jaana dil-e-shad-o-ru-e-KHandan

tu zubun-shikar to tha wale 'mir' qatl-gah mein

tere KHun se hain hinai kaf-e-pa-e-said-bandan