un dilbaron se rabta karna hai kaam kya
un dilbaroñ se rābta karnā hai kaam kyā
kar ik salām pūchhnā sāhab kā naam kyā
hairat hai kholeñ chashm-e-tamāshā kahāñ kahāñ
husn-o-jamāl vaisā hai us kā ḳhirām kyā
kī ik nigāh garm jahāñ un se mil ga.e
āshiq ko dilbaroñ se salām-o-payām kyā
shukr-e-ḳhudā ki sar na faro laa.e ham kahīñ
kyā jāneñ sajda kahte haiñ kis ko salām kyā
is kunj-e-lab pe chupke hue muñh ko rakh ke ham
dilchasp is maqām meñ harf-o-kalām kyā
jis jaa.e us ke chehre se karte haiñ guftugū
mir.āt-o-māh-o-gul kā hai us jā maqām kyā
kahtā hai kaun badr meñ nuqsān kuchh rahā
par muñh khule pe us ke hai māh-e-tamām kyā
ye jānūñ huuñ ki dil ko hai us rū-o-mū se laag
kyā jānūñ pesh aave hai ab sub.h-o-shām kyā
tasbīh tak to 'mīr' ne rakkhā kalāl ke
vaqt-e-namāz ab bhī hue the imaam kyā
un dilbaron se rabta karna hai kaam kya
kar ek salam puchhna sahab ka nam kya
hairat hai kholen chashm-e-tamasha kahan kahan
husn-o-jamal waisa hai us ka KHiram kya
ki ek nigah garm jahan un se mil gae
aashiq ko dilbaron se salam-o-payam kya
shukr-e-KHuda ki sar na faro lae hum kahin
kya jaanen sajda kahte hain kis ko salam kya
is kunj-e-lab pe chupke hue munh ko rakh ke hum
dilchasp is maqam mein harf-o-kalam kya
jis jae us ke chehre se karte hain guftugu
miraat-o-mah-o-gul ka hai us ja maqam kya
kahta hai kaun badr mein nuqsan kuchh raha
par munh khule pe us ke hai mah-e-tamam kya
ye jaanun hun ki dil ko hai us ru-o-mu se lag
kya jaanun pesh aawe hai ab subh-o-sham kya
tasbih tak to 'mir' ne rakkha kalal ke
waqt-e-namaz ab bhi hue the imam kya
- Book : MIRIYAAT - Diwan No- 3, Ghazal No- 1060
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.