uski si jo chale hai rah to kya

us kī sī jo chale hai raah to kyā

āsmāñ par gayā hai maah to kyā

laḌ ke milnā hai aap se be-lutf

yaar hove na uzr-ḳhvāh to kyā

kab ruḳh-e-badr raushan aisā hai

ek shab kā hai ishtibāh to kyā

be-ḳhirad ḳhānqah meñ haiñ go mast

vo kare mast-e-yak-nigāh to kyā

us ke pur-pech gesū ke aage

hove kaalā koī siyāh to kyā

husn vaale haiñ kaj-ravish saare

hue do-chār rū-barāh to kyā

dil rahe vasl jo mudām rahe

mil ga.e us se gaah gaah to kyā

ek allāh kā bahut hai naam

jam.a bātil hoñ sau ilaah to kyā

'mīr' kyā hai faqīr-e-mustaġhnī

aave is paas bādshāh to kyā

us ki si jo chale hai rah to kya

aasman par gaya hai mah to kya

laD ke milna hai aap se be-lutf

yar howe na uzr-KHwah to kya

kab ruKH-e-badr raushan aisa hai

ek shab ka hai ishtibah to kya

be-KHirad KHanqah mein hain go mast

wo kare mast-e-yak-nigah to kya

us ke pur-pech gesu ke aage

howe kala koi siyah to kya

husn wale hain kaj-rawish sare

hue do-chaar ru-barah to kya

dil rahe wasl jo mudam rahe

mil gae us se gah gah to kya

ek allah ka bahut hai nam

jama baatil hon sau ilah to kya

'mir' kya hai faqir-e-mustaghni

aawe is pas baadshah to kya