uski tarz-e-nigah mat puchho

us kī tarz-e-nigāh mat pūchho

jī hī jaane hai aah mat pūchho

kahīñ pahuñchoge be-rahī meñ bhī

gumrahāñ yuuñ ye raah mat pūchho

nau-giraftār-e-dām-e-zulf us kā

hai yahī rū-siyāh mat pūchho

haiñgī bargashta ve saf-e-mizhgāñ

phir ga.ī hai sipāh mat pūchho

qaaf

thā karam par usī ke shurb-e-mudām

mere a.amāl aah mat pūchho

tum bhī ai mālikān-e-roz-e-jazā

baḳhsh do ab gunāh mat pūchho

'mīr' āshiq ko kuchh kahe hī bane

ḳhvāh vo pūchho ḳhvāh mat pūchho

us ki tarz-e-nigah mat puchho

ji hi jaane hai aah mat puchho

kahin pahunchoge be-rahi mein bhi

gumrahan yun ye rah mat puchho

nau-giraftar-e-dam-e-zulf us ka

hai yahi ru-siyah mat puchho

haingi bargashta we saf-e-mizhgan

phir gai hai sipah mat puchho

qaf

tha karam par usi ke shurb-e-mudam

mere aamal aah mat puchho

tum bhi ai malikan-e-roz-e-jaza

baKHsh do ab gunah mat puchho

'mir' aashiq ko kuchh kahe hi bane

KHwah wo puchho KHwah mat puchho