wafa thi mehr thi iKHlas tha talattuf tha
vafā thī mehr thī iḳhlās thā talattuf thā
kabhū mizāj meñ us ke hameñ tasarruf thā
jo ḳhuub dekho to saarī vahī haqīqat hai
chhupānā chehre kā ushshāq se takalluf thā
asīr-e-ishq nahīñ bāz-ḳhvāh-e-ḳhūñ rakhte
hamāre qatl meñ us ko abas tavaqquf thā
na pūchho ḳhuub hai bad-ahdiyoñ kī mashq us ko
hazāroñ ahd kiye par vahī taḳhalluf thā
jahāñ meñ 'mīr' se kaahe ko hote haiñ paidā
sunā ye vāqi.a jin ne use ta.assuf thā
wafa thi mehr thi iKHlas tha talattuf tha
kabhu mizaj mein us ke hamein tasarruf tha
jo KHub dekho to sari wahi haqiqat hai
chhupana chehre ka ushshaq se takalluf tha
asir-e-ishq nahin baz-KHwah-e-KHun rakhte
hamare qatl mein us ko abas tawaqquf tha
na puchho KHub hai bad-ahdiyon ki mashq us ko
hazaron ahd kiye par wahi taKHalluf tha
jahan mein 'mir' se kahe ko hote hain paida
suna ye waqia jin ne use tassuf tha
- Book : MIRIYAAT - Diwan No- 3, Ghazal No- 1080
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
