we siyah-mui-o-giraftari

ve siyah-mūī-o-giraftārī

duzd-ġhamzoñ kī vaisī ayyārī

ab ke dil un se bach gayā to kyā

chor jaate rahe ki añdhiyārī

achchhā honā nahīñ marīz-e-ishq

saath jī ke hai dil kī bīmārī

kyoñ na abr-e-bahār par ho rang

barsoñ dekhī hai merī ḳhūñ-bārī

shor-o-fariyād-o-zārī-e-shab se

shahriyoñ ko hai mujh se be-zārī

chale jaate haiñ raat din aañsū

dīda-e-tar kī ḳhair hai jaarī

mar raheñ is meñ yā raheñ jiite

sheva apnā to hai vafādārī

kyūñke rāh-e-fanā meñ baiThiyegā

jurm-e-behad se hai girāñ-bārī

vaañ se ḳhashm-o-ḳhitāb-o-nāz-o-itāb

yaañ se iḳhlās-o-dostī yaarī

'mīr' chalne se kyoñ ho ġhāfil tum

sab ke haañ ho rahī hai tayyārī

we siyah-mui-o-giraftari

duzd-ghamzon ki waisi ayyari

ab ke dil un se bach gaya to kya

chor jate rahe ki andhiyari

achchha hona nahin mariz-e-ishq

sath ji ke hai dil ki bimari

kyon na abr-e-bahaar par ho rang

barson dekhi hai meri KHun-bari

shor-o-fariyaad-o-zari-e-shab se

shahriyon ko hai mujh se be-zari

chale jate hain raat din aansu

dida-e-tar ki KHair hai jari

mar rahen is mein ya rahen jite

shewa apna to hai wafadari

kyunke rah-e-fana mein baiThiyega

jurm-e-behad se hai giran-bari

wan se KHashm-o-KHitab-o-naz-o-itab

yan se iKHlas-o-dosti yari

'mir' chalne se kyon ho ghafil tum

sab ke han ho rahi hai tayyari