ya baada-e-gul-gun ki KHatir se hawas jawe

yā bāda-e-gul-gūñ kī ḳhātir se havas jaave

yā abr koī aave aur aa ke baras jaave

shorish-kada-e-ālam kahne hī kī jāgah thī

dil kyā kare jo aise hangāme meñ phañs jaave

dil hai tū abas nālāñ yārān-e-guzashta bin

mumkin nahīñ ab un tak āvāz-e-jaras jaave

us zulf se lag chalnā ik saañp khilānā hai

ye mār-e-siyah yaaro nāgāh na Das jaave

maiḳhāne meñ aave to mā'lūm ho kaifiyyat

yuuñ aage ho masjid ke har roz asas jaave

cholī jahāñ se maskī phir āñkheñ vahīñ chipkīñ

jab pairahan-e-gul bhī is ḳhūbī se chas jaave

hai 'mīr' ajab koī darvesh-e-birishta-dil

baat us kī suno tum to chhātī bhī bhulas jaave

ya baada-e-gul-gun ki KHatir se hawas jawe

ya abr koi aawe aur aa ke baras jawe

shorish-kada-e-alam kahne hi ki jagah thi

dil kya kare jo aise hangame mein phans jawe

dil hai tu abas nalan yaran-e-guzashta bin

mumkin nahin ab un tak aawaz-e-jaras jawe

us zulf se lag chalna ek sanp khilana hai

ye mar-e-siyah yaro nagah na Das jawe

maiKHane mein aawe to ma'lum ho kaifiyyat

yun aage ho masjid ke har roz asas jawe

choli jahan se maski phir aankhen wahin chipkin

jab pairahan-e-gul bhi is KHubi se chas jawe

hai 'mir' ajab koi darwesh-e-birishta-dil

baat us ki suno tum to chhati bhi bhulas jawe