yar humse juda hua afsos

yaar ham se judā huā afsos

na judā ho ke phir milā afsos

jab talak aan kar rahe mujh paas

mujh meñ tab tak na kuchh rahā afsos

dil meñ hasrat girah hai ruḳhsat kī

chalte un ne na kuchh kahā afsos

kyā tadāruk hai ishq meñ dil kā

maiñ balā meñ huuñ mubtalā afsos

sab se begānagī kī jis ke liye

vo nahīñ ham se āshnā afsos

raat din haath malte rahte haiñ

dil ke jaane kā hai baḌā afsos

bāchheñ phaT phaT ga.iiñ haiñ ghighyāte

be-asar ho ga.ī duā afsos

mujh ko karnā thā ehtirāz us se

haa.e afsos kyā kiyā afsos

nosh daarū hai nesh daarū 'mīr'

muta.assir nahīñ davā afsos

yar hum se juda hua afsos

na juda ho ke phir mila afsos

jab talak aan kar rahe mujh pas

mujh mein tab tak na kuchh raha afsos

dil mein hasrat girah hai ruKHsat ki

chalte un ne na kuchh kaha afsos

kya tadaruk hai ishq mein dil ka

main bala mein hun mubtala afsos

sab se beganagi ki jis ke liye

wo nahin hum se aashna afsos

raat din hath malte rahte hain

dil ke jaane ka hai baDa afsos

bachhen phaT phaT gain hain ghighyate

be-asar ho gai dua afsos

mujh ko karna tha ehtiraaz us se

hae afsos kya kiya afsos

nosh daru hai nesh daru 'mir'

mutassir nahin dawa afsos