yahi ishq hai ji khapa jaanta hai

yahī ishq hai jī khapā jāntā hai

ki jānāñ se bhī jī milā jāntā hai

badī meñ bhī kuchh ḳhūbī hovegī tab to

burā karne ko vo bhalā jāntā hai

mirā sher achchhā bhī dānista zid se

kisū aur hī kā kahā jāntā hai

zamāne ke aksar sitamgār dekhe

vahī ḳhuub tarz-e-jafā jāntā hai

nahīñ jāntā harf-e-ḳhat kyā haiñ likkhe

likhe ko hamāre miTā jāntā hai

na jaane jo begāna to baat pūchhe

so maġhrūr kab āshnā jāntā hai

nahīñ ittihād-e-tan-o-jāñ se vāqif

hameñ yaar se jo judā jāntā hai

yahi ishq hai ji khapa jaanta hai

ki jaanan se bhi ji mila jaanta hai

badi mein bhi kuchh KHubi howegi tab to

bura karne ko wo bhala jaanta hai

mera sher achchha bhi danista zid se

kisu aur hi ka kaha jaanta hai

zamane ke aksar sitamgar dekhe

wahi KHub tarz-e-jafa jaanta hai

nahin jaanta harf-e-KHat kya hain likkhe

likhe ko hamare miTa jaanta hai

na jaane jo begana to baat puchhe

so maghrur kab aashna jaanta hai

nahin ittihad-e-tan-o-jaan se waqif

hamein yar se jo juda jaanta hai