zanu pe sar hai aksar mat fikr is qadar kar

zaanū pe sar hai aksar mat fikr is qadar kar

dil koī le gayā hai to 'mīr' Tuk jigar kar

ḳhurshīd-o-māh donoñ āḳhir na dil se nikle

āñkhoñ meñ phir na aa.e jī se mire utar kar

yūsuf azīz-e-dil-hā jā misr meñ huā thā

zillat jo ho vatan meñ to koī din safar kar

ai ham-nashīñ ġhashī hai maiñ hosh meñ nahīñ huuñ

mujh ko mirī zabānī sau baar ab ḳhabar kar

kyā hāl-e-zār-e-āshiq kariye bayāñ na pūchho

kartā hai baat koī dil kī to chashm-e-tar kar

dete nahīñ haiñ sone Tuk āh-o-nāle is ke

yā-rab shab-e-judā.ī āshiq kī bhī sahar kar

itnā hī muñh chhupāyā shoḳh us ke mahramoñ ne

jo bichh ga.ī haiñ zulfeñ us chehre par bikhar kar

kyā pher pher gardan bāteñ kare hai sab meñ

jaate haiñ ġhash kiye ham mushtāq muñh udhar kar

bin dekhe tere maiñ to bīmār ho gayā huuñ

hāl-e-tabah meñ mere tū bhī to Tuk nazar kar

raḳhne kiye jo tū ne patthar kī sil meñ to kyā

ai aah us sanam ke dil meñ bhī Tuk asar kar

maare se ġhul kiye se jaatā nahīñ hai hargiz

niklegā is galī se shāyad ki 'mīr' mar kar

zanu pe sar hai aksar mat fikr is qadar kar

dil koi le gaya hai to 'mir' Tuk jigar kar

KHurshid-o-mah donon aaKHir na dil se nikle

aankhon mein phir na aae ji se mere utar kar

yusuf aziz-e-dil-ha ja misr mein hua tha

zillat jo ho watan mein to koi din safar kar

ai ham-nashin ghashi hai main hosh mein nahin hun

mujh ko meri zabani sau bar ab KHabar kar

kya haal-e-zar-e-ashiq kariye bayan na puchho

karta hai baat koi dil ki to chashm-e-tar kar

dete nahin hain sone Tuk aah-o-nale is ke

ya-rab shab-e-judai aashiq ki bhi sahar kar

itna hi munh chhupaya shoKH us ke mahramon ne

jo bichh gai hain zulfen us chehre par bikhar kar

kya pher pher gardan baaten kare hai sab mein

jate hain ghash kiye hum mushtaq munh udhar kar

bin dekhe tere main to bimar ho gaya hun

haal-e-tabah mein mere tu bhi to Tuk nazar kar

raKHne kiye jo tu ne patthar ki sil mein to kya

ai aah us sanam ke dil mein bhi Tuk asar kar

mare se ghul kiye se jata nahin hai hargiz

niklega is gali se shayad ki 'mir' mar kar