aap ki shafqat halawat iltifat aur pyar se

aap kī shafqat halāvat iltifāt aur pyaar se

dam-ba-ḳhud hai saarī duniyā aap kī guftār se

mohsin-e-insāniyat aur rahmatul-lil'ālamīn

do jahāñ pur-nūr haiñ bas aap ke anvār se

dīn-o-duniyā kī bhalā.ī aap hī ke dam se hai

ḳhālī haath aayā na koī aap ke darbār se

dushmanān-e-dīn bhī haiñ aap hī ke mo'tarif

muttafiq hai saarā 'ālam aap ke kirdār se

aap the darvesh-fitrat aur faqīrāna mizāj

aap ko raġhbat nahīñ thī dirham-o-dīnār se

aap kī sīrat hai qur.ān-e-mubīñ meñ 'nāziya'

saj gayā hai dīn-e-qudrat aap ke afkār se

aap ki shafqat halawat iltifat aur pyar se

dam-ba-KHud hai sari duniya aap ki guftar se

mohsin-e-insaniyat aur rahmatul-lil'alamin

do jahan pur-nur hain bas aap ke anwar se

din-o-duniya ki bhalai aap hi ke dam se hai

KHali hath aaya na koi aap ke darbar se

dushmanan-e-din bhi hain aap hi ke mo'tarif

muttafiq hai sara 'alam aap ke kirdar se

aap the darwesh-fitrat aur faqirana mizaj

aap ko raghbat nahin thi dirham-o-dinar se

aap ki sirat hai quran-e-mubin mein 'naziya'

saj gaya hai din-e-qudrat aap ke afkar se