apni ummat se nahin din ke sultan alag

apnī ummat se nahīñ diin ke sultān alag

is pe īmāñ hai mirā aur hai īqān alag

aap ke aane se ai māh-e-mubīñ nūr-e-bashar

zarre-zarre ko milā taiba ke sammān alag

kī do-'ālam kī 'atā rab ne 'adālat un ko

'adl meñ rakhte haiñ mahbūb-e-ḳhudā shaan alag

'arsh par kaise ga.e farsh se lamhe meñ huzūr

dekhtī rah ga.ī duniyā huī hairān alag

ummat-e-faḳhr-e-do-'ālam meñ hue ham paidā

rabb-e-akbar ne kiyā ham pe ye ehsān alag

ham kabhī piiTh pe ḳhanjar nahīñ maarā karte

ham ġhulāmān-e-mohammad kī hai pahchān alag

dar pe bulvā ke vo e'zāz 'atā karte haiñ

chāhte jis ko bhī haiñ nā.eb-e-rahmān alag

donoñ 'ālam meñ ḳhasāra hī ḳhasāra hogā

ho ke sarkār-e-madīna se ai insān alag

merā īmān ye kahtā hai ḳhudā se apne

ek lamha bhī nahīñ nabiyoñ ke sultān alag

jis meñ jibrīl bhī aate haiñ ijāzat le kar

farsh par hai vo faqat aap kā aivān alag

un kī chaukhaT se tire ghar ko hai nisbat 'nāzāñ'

is liye rahtā hai ghar se tire tūfān alag

apni ummat se nahin din ke sultan alag

is pe iman hai mera aur hai iqan alag

aap ke aane se ai mah-e-mubin nur-e-bashar

zarre-zarre ko mila taiba ke samman alag

ki do-'alam ki 'ata rab ne 'adalat un ko

'adl mein rakhte hain mahbub-e-KHuda shan alag

'arsh par kaise gae farsh se lamhe mein huzur

dekhti rah gai duniya hui hairan alag

ummat-e-faKHr-e-do-'alam mein hue hum paida

rabb-e-akbar ne kiya hum pe ye ehsan alag

hum kabhi piTh pe KHanjar nahin mara karte

hum ghulaman-e-mohammad ki hai pahchan alag

dar pe bulwa ke wo e'zaz 'ata karte hain

chahte jis ko bhi hain naeb-e-rahman alag

donon 'alam mein KHasara hi KHasara hoga

ho ke sarkar-e-madina se ai insan alag

mera iman ye kahta hai KHuda se apne

ek lamha bhi nahin nabiyon ke sultan alag

jis mein jibril bhi aate hain ijazat le kar

farsh par hai wo faqat aap ka aiwan alag

un ki chaukhaT se tere ghar ko hai nisbat 'nazan'

is liye rahta hai ghar se tere tufan alag