azal se naqsh-e-dil hai naaz jānāna mohammad kā
kiyā hai lauh ne mahfūz afsāna mohammad kā
banā hai mahbat-e-jibrīl kāshāna mohammad kā
ab afsāna ḳhudā kā hai har afsāna mohammad kā
Dare kyā ātish-e-dozaḳh se dīvāna mohammad kā
ki uTThe sho'le gul kartā hai parvāna mohammad kā
zuhūr-e-hāl-o-mustaqbil se maazī ko milā dūñgā
mujhe phir aaj dohrānā hai afsāna mohammad kā
rasā.ī kab hai us tak hosh-e-insāñ aql-e-qudsī kī
jo apnī rau meñ bak jaatā hai dīvāna mohammad kā
duī ik dāġh-e-tohmat ġhairiyat ilzām-e-be-ma.anī
vo apnā hai jise apnā.e yārāna mohammad kā
shafā.at kī duā meñ vo havā dete haiñ par us ke
jahannum ko bujhā saktā hai parvāna mohammad kā
yahāñ se tā-ba-jannat rok hai koī na pursish hai
jahāñ chāhe chalā jā ban ke parvāna mohammad kā
shuā is paar shīshe ke nazar us paar shīshe ke
jhalak dekhī ki pahuñchā uḌ ke parvāna mohammad kā
darūd avval suḳhan ho 'ārzū' phir sher nā'tiyya
zabāñ dho Daal agar kahnā hai afsāna mohammad kā
azal se naqsh-e-dil hai naz jaanana mohammad ka
kiya hai lauh ne mahfuz afsana mohammad ka
bana hai mahbat-e-jibril kashana mohammad ka
ab afsana KHuda ka hai har afsana mohammad ka
Dare kya aatish-e-dozaKH se diwana mohammad ka
ki uTThe sho'le gul karta hai parwana mohammad ka
zuhur-e-haal-o-mustaqbil se mazi ko mila dunga
mujhe phir aaj dohrana hai afsana mohammad ka
rasai kab hai us tak hosh-e-insan aql-e-qudsi ki
jo apni rau mein bak jata hai diwana mohammad ka
dui ek dagh-e-tohmat ghairiyat ilzam-e-be-mani
wo apna hai jise apnae yarana mohammad ka
shafaat ki dua mein wo hawa dete hain par us ke
jahannum ko bujha sakta hai parwana mohammad ka
yahan se ta-ba-jannat rok hai koi na pursish hai
jahan chahe chala ja ban ke parwana mohammad ka
shua is par shishe ke nazar us par shishe ke
jhalak dekhi ki pahuncha uD ke parwana mohammad ka
darud awwal suKHan ho 'arzu' phir sher na'tiyya
zaban dho Dal agar kahna hai afsana mohammad ka
Source:
Armughan-e-Naat (Pg. 135)
-
- Publisher: Maktaba Deen-o-Adab, Lucknow
- Year of Publication: 1964
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.