dahr kī vaj.h-e-nizām aap haiñ
bā.is-e-har-sub.h-o-shām aap haiñ
sāhib-e-me.arāj haiñ aap hī
sarvar-e-ālī-maqām aap haiñ
aap kī jānib hī hai har nazar
markaz-e-har-ḳhās-o-ām aap haiñ
ham ko zamāna meñ ho kyoñ ziyāñ
lab pe hamāre mudām aap haiñ
aap kā har fe.al hai 'ain-e-haq
nek-ruḳh-o-nek-nām aap haiñ
aap pe nāzil huā hai qurāñ
mālik-e-ilm-e-kalām aap haiñ
hotī hai ham se ḳhatā par ḳhatā
aur hamāre mudām aap haiñ
dahr ki wajh-e-nizam aap hain
bais-e-har-subh-o-sham aap hain
sahib-e-mearaj hain aap hi
sarwar-e-ali-maqam aap hain
aap ki jaanib hi hai har nazar
markaz-e-har-KHas-o-am aap hain
hum ko zamana mein ho kyon ziyan
lab pe hamare mudam aap hain
aap ka har feal hai 'ain-e-haq
nek-ruKH-o-nek-nam aap hain
aap pe nazil hua hai quran
malik-e-ilm-e-kalam aap hain
hoti hai hum se KHata par KHata
aur hamare mudam aap hain
Source:
Naat-e-Huzoor (Pg. 42)
-
Author:
Behzad Lakhnavi
-
- Publisher: Maktaba Burhan, Delhi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.