dil nisar-e-mustafa jaan paemal-e-mustafa

dil nisār-e-mustafā jaañ pā.emāl-e-mustafā

ye uvais-e-mustafā hai vo bilāl-e-mustafā

donoñ 'ālam the mire harf-e-du'ā meñ ġharq-o-mahv

maiñ ḳhudā se kar rahā thā jab savāl-e-mustafā

sab samajhte haiñ ise sham'-e-shabistān-e-hirā

nuur hai kaunain kā lekin jamāl-e-mustafā

'ālam-e-nasūt meñ aur 'ālam-e-lāhūt meñ

kauñdtī hai har taraf barq-e-jamāl-e-mustafā

'azmat-e-tanzīh dekhī shaukat-e-tashbīh meñ

ek hāl-e-mustafā hai ek qāl-e-mustafā

dekhiye kyā haal kar Daale shab-e-yaldā-e-ġham

haañ nazar aa.e zarā sub.h-e-jamāl-e-mustafā

zarra-zarra 'ālam-e-hastī kā raushan ho gayā

allah allah shaukat-o-shān-e-jamāl-e-mustafā

dil nisar-e-mustafa jaan paemal-e-mustafa

ye uwais-e-mustafa hai wo bilal-e-mustafa

donon 'alam the mere harf-e-du'a mein gharq-o-mahw

main KHuda se kar raha tha jab sawal-e-mustafa

sab samajhte hain ise sham'-e-shabistan-e-hira

nur hai kaunain ka lekin jamal-e-mustafa

'alam-e-nasut mein aur 'alam-e-lahut mein

kaundti hai har taraf barq-e-jamal-e-mustafa

'azmat-e-tanzih dekhi shaukat-e-tashbih mein

ek haal-e-mustafa hai ek qal-e-mustafa

dekhiye kya haal kar Dale shab-e-yalda-e-gham

han nazar aae zara subh-e-jamal-e-mustafa

zarra-zarra 'alam-e-hasti ka raushan ho gaya

allah allah shaukat-o-shan-e-jamal-e-mustafa