fazl rab ka hua mustafa aa gae

fazl rab kā huā mustafā aa ga.e

le ke dars-e-vafā mustafā aa ga.e

kufr tharrā gayā mustafā aa ga.e

haq kā ġhalba huā mustafā aa ga.e

sirf iblīs hai ġham-zada dahr meñ

do jahāñ ḳhush huā mustafā aa ga.e

bazm-e-kaunain meñ suniye chāroñ taraf

gūñjtī hai sadā mustafā aa ga.e

'arsh se farsh tak nuur chhāne lagā

jab ki māh-e-hudā mustafā aa ga.e

farsh par 'arsh par shādiyāñ haiñ rachī

har koī jhuum uThā mustafā aa ga.e

haqq-o-bātil meñ kyā farq hai dahr ko

us kā dene pata mustafā aa ga.e

bā-vazū ho ke rab kī razā ke liye

paḌhiye salle-'alā mustafā aa ga.e

be-sahāroñ kā ban kar ai 'āfī' miyāñ

dahr meñ aasrā mustafā aa ga.e

fazl rab ka hua mustafa aa gae

le ke dars-e-wafa mustafa aa gae

kufr tharra gaya mustafa aa gae

haq ka ghalba hua mustafa aa gae

sirf iblis hai gham-zada dahr mein

do jahan KHush hua mustafa aa gae

bazm-e-kaunain mein suniye chaaron taraf

gunjti hai sada mustafa aa gae

'arsh se farsh tak nur chhane laga

jab ki mah-e-huda mustafa aa gae

farsh par 'arsh par shadiyan hain rachi

har koi jhum uTha mustafa aa gae

haqq-o-baatil mein kya farq hai dahr ko

us ka dene pata mustafa aa gae

ba-wazu ho ke rab ki raza ke liye

paDhiye salle-'ala mustafa aa gae

be-sahaaron ka ban kar ai 'afi' miyan

dahr mein aasra mustafa aa gae