hai qabil dekhne ke un ke jaan-bazon ki mahfil bhi

hai qābil dekhne ke un ke jāñ-bāzoñ kī mahfil bhī

ki nāloñ kā tarāna bhī hai is meñ raqs-e-bismil bhī

huzūrī kā sharaf darbār meñ mujh ko bhī mil jaatā

jahāñ haiñ jam.a sāhib-dil vahāñ ho ek be-dil bhī

unheñ matlab taḌapne se huzūrī ho ki duurī ho

ajab aafat kā parkāla bane haiñ hazrat-e-dil bhī

ham aise māñgne vaale ki māñgeñ jaa.eñ le le kar

tum aise dene vaale ho ki ġhash ho jaa.eñ saa.il bhī

nasīb aise kahāñ jo shāhid-e-maqsūd mil jaa.e

ġhanīmat hai agar ham ko nazar aa jaa.e mahmil bhī

guzar jaanā ḳhudī se aur aaqā tak pahuñch jaanā

yahī vo kaam hai jo sahl bhī hai aur mushkil bhī

tumhāre marne vaale marte haiñ taiba ke marne par

kareñ kyā le ke jannat jo nahīñ marne ke qābil bhī

tumhāre naam ke bande pale haiñ sadqe hone par

na dī jab zindagī tum ne to phir jiine se hāsil bhī

paḌe rahte kafan meñ muñh chhupā.e hashr meñ 'hāfiz'

siyah-rū ho nahīñ ye muñh to dikhlāne ke qābil bhī

hai qabil dekhne ke un ke jaan-bazon ki mahfil bhi

ki nalon ka tarana bhi hai is mein raqs-e-bismil bhi

huzuri ka sharaf darbar mein mujh ko bhi mil jata

jahan hain jama sahib-dil wahan ho ek be-dil bhi

unhen matlab taDapne se huzuri ho ki duri ho

ajab aafat ka parkala bane hain hazrat-e-dil bhi

hum aise mangne wale ki mangen jaen le le kar

tum aise dene wale ho ki ghash ho jaen sail bhi

nasib aise kahan jo shahid-e-maqsud mil jae

ghanimat hai agar hum ko nazar aa jae mahmil bhi

guzar jaana KHudi se aur aaqa tak pahunch jaana

yahi wo kaam hai jo sahl bhi hai aur mushkil bhi

tumhaare marne wale marte hain taiba ke marne par

karen kya le ke jannat jo nahin marne ke qabil bhi

tumhaare nam ke bande pale hain sadqe hone par

na di jab zindagi tum ne to phir jine se hasil bhi

paDe rahte kafan mein munh chhupae hashr mein 'hafiz'

siyah-ru ho nahin ye munh to dikhlane ke qabil bhi