hai rahmat-e-alam ki sarkar madine mein

hai rahmat-e-'ālam kī sarkār madīne meñ

bulvā le jise chāhe sau baar madīne meñ

jo haal hai bātin kā ho jaatā hai sab zāhir

ban jaatā hai har chehra aḳhbār madīne meñ

hoñToñ ne jasārat kī kuchh boleñ vahāñ lekin

alfāz na ho paa.e bedār madīne meñ

darbār-e-risālat meñ 'uqda ye khulā mujh par

jazboñ kī sadāqat hai me'yār madīne meñ

dīvāna hī pahuñchā hai dīvāna hī pahuñchegā

pahuñchā hai na pahuñchegā hushiyār madīne meñ

sarkār ke hāthoñ se miltī hai davā us ko

hotā hai agar koī bīmār madīne meñ

muddat se tamanna thī haal apnā sunāne kī

ashkoñ se kiyā lekin iz.hār madīne meñ

is aas pe lauT aayā maiñ nuur kī vaadī se

bulvā.eñge phir mujh ko sarkār madīne meñ

allāh kī rahmat se aaqā kī 'ināyat se

'tanvīr' hue ham bhī sarshār madīne meñ

hai rahmat-e-'alam ki sarkar madine mein

bulwa le jise chahe sau bar madine mein

jo haal hai baatin ka ho jata hai sab zahir

ban jata hai har chehra aKHbar madine mein

honTon ne jasarat ki kuchh bolen wahan lekin

alfaz na ho pae bedar madine mein

darbar-e-risalat mein 'uqda ye khula mujh par

jazbon ki sadaqat hai me'yar madine mein

diwana hi pahuncha hai diwana hi pahunchega

pahuncha hai na pahunchega hushiyar madine mein

sarkar ke hathon se milti hai dawa us ko

hota hai agar koi bimar madine mein

muddat se tamanna thi haal apna sunane ki

ashkon se kiya lekin izhaar madine mein

is aas pe lauT aaya main nur ki wadi se

bulwaenge phir mujh ko sarkar madine mein

allah ki rahmat se aaqa ki 'inayat se

'tanwir' hue hum bhi sarshaar madine mein