jalwa-e-mushaf-e-quran hain rasul-e-arabi

jalva-e-mus.haf-e-qur.āñ haiñ rasūl-e-'arabī

nūr-e-īmāñ se daraḳhshāñ haiñ rasūl-e-'arabī

mā'nī-e-sūra-e-rahmāñ haiñ rasūl-e-'arabī

masdar-e-tābish-e-burhāñ haiñ rasūl-e-'arabī

jis ne zarroñ ko sikhāyā hai sitāroñ kā chalan

vo mashiyyat kā dabistāñ haiñ rasūl-e-'arabī

un ke dastūr meñ ḳhandāñ hai bahāroñ kā nizām

husn-e-tartīb-e-gulistāñ haiñ rasūl-e-'arabī

un se pahle thā kahāñ rabb-e-do-‘ālam kā shu'ūr

maz.har-e-jalva-e-yazdāñ haiñ rasūl-e-'arabī

ai bashar kitnā baḌā hai bashariyyat kā maqām

mezbāñ 'arsh hai mehmāñ haiñ rasūl-e-'arabī

hukm deñ vo to mah-o-mehr ke ruk jaa.eñ qadam

hākim-e-gardish-e-daurāñ haiñ rasūl-e-'arabī

rāh-rau raat kā jangal hai sar-e-rāh to kyā

rahbar-e-nūr-badāmāñ haiñ rasūl-e-'arabī

ġham haiñ yādeñ haiñ shab-e-dard hai tanhā.ī hai

ab mirī ziist kā sāmāñ haiñ rasūl-e-'arabī

koī hamdard nahīñ dard kī dīvāroñ meñ

vaj.h-e-taskīn-e-dil-o-jāñ haiñ rasūl-e-'arabī

ġhair-mumkin bhī hai un ke liye mumkin 'zauqī'

fā.ez-e-masnad-e-imkāñ haiñ rasūl-e-'arabī

jalwa-e-mushaf-e-quran hain rasul-e-'arabi

nur-e-iman se daraKHshan hain rasul-e-'arabi

ma'ni-e-sura-e-rahman hain rasul-e-'arabi

masdar-e-tabish-e-burhan hain rasul-e-'arabi

jis ne zarron ko sikhaya hai sitaron ka chalan

wo mashiyyat ka dabistan hain rasul-e-'arabi

un ke dastur mein KHandan hai bahaaron ka nizam

husn-e-tartib-e-gulistan hain rasul-e-'arabi

un se pahle tha kahan rabb-e-do-‘alam ka shu'ur

mazhar-e-jalwa-e-yazdan hain rasul-e-'arabi

ai bashar kitna baDa hai bashariyyat ka maqam

mezban 'arsh hai mehman hain rasul-e-'arabi

hukm den wo to mah-o-mehr ke ruk jaen qadam

hakim-e-gardish-e-dauran hain rasul-e-'arabi

rah-rau raat ka jangal hai sar-e-rah to kya

rahbar-e-nur-badaman hain rasul-e-'arabi

gham hain yaaden hain shab-e-dard hai tanhai hai

ab meri zist ka saman hain rasul-e-'arabi

koi hamdard nahin dard ki diwaron mein

wajh-e-taskin-e-dil-o-jaan hain rasul-e-'arabi

ghair-mumkin bhi hai un ke liye mumkin 'zauqi'

faez-e-masnad-e-imkan hain rasul-e-'arabi