jo manga ata mujhko kiya shah-e-umam ne

jo māñgā 'atā mujh ko kiyā shāh-e-umam ne

dekhā nahīñ qismat kā likhā shāh-e-umam ne

mahbūb vo insān huā rabb-e-jahāñ kā

mahbūb jise apnā kahā shāh-e-umam ne

gul apnī 'aqīdat kā mohabbat kā khilā kar

rakkhā hai mire dil ko harā shāh-e-umam ne

tārīkī zamāne se chhaTī raushnī phailī

raushan yuuñ kiyā haq kā diyā shāh-e-umam ne

allāh ne us samt kī sūrat hī badal dī

jis samt bhī ruḳh apnā kiyā shāh-e-umam ne

taḳhsīs nahīñ is meñ faqat apnoñ kī 'nāzāñ'

aa'dā ke liye bhī kī du'ā shāh-e-umam ne

jo manga 'ata mujh ko kiya shah-e-umam ne

dekha nahin qismat ka likha shah-e-umam ne

mahbub wo insan hua rabb-e-jahan ka

mahbub jise apna kaha shah-e-umam ne

gul apni 'aqidat ka mohabbat ka khila kar

rakkha hai mere dil ko hara shah-e-umam ne

tariki zamane se chhaTi raushni phaili

raushan yun kiya haq ka diya shah-e-umam ne

allah ne us samt ki surat hi badal di

jis samt bhi ruKH apna kiya shah-e-umam ne

taKHsis nahin is mein faqat apnon ki 'nazan'

aa'da ke liye bhi ki du'a shah-e-umam ne