kare wo wird nam-e-mustafa ka

kare vo vird nām-e-mustafā kā

jise ho sāmnā mauj-e-balā kā

ġhulām-e-sāqī-e-kausar huuñ saaqī

mujhe khaTkā nahīñ roz-e-jazā kā

ham us rauze kā saaya chāhte haiñ

hameñ armāñ nahīñ zill-e-humā kā

mujhe rokeñge kyā darbān-e-jannat

sanā-ḳhvāñ huuñ janāb-e-mustafā kā

faqīrī meñ shahanshāhī sikhā.ī

baḌhāyā shaah se rutba gadā kā

mujhe kyā qaisar-o-kisrā kā ḳhatra

maiñ banda huuñ janāb-e-mustafā kā

salām us par darūd us par 'jamālī'

sabaq jis ne diyā sabr-o-razā kā

kare wo wird nam-e-mustafa ka

jise ho samna mauj-e-bala ka

ghulam-e-saqi-e-kausar hun saqi

mujhe khaTka nahin roz-e-jaza ka

hum us rauze ka saya chahte hain

hamein arman nahin zill-e-huma ka

mujhe rokenge kya darban-e-jannat

sana-KHwan hun janab-e-mustafa ka

faqiri mein shahanshahi sikhai

baDhaya shah se rutba gada ka

mujhe kya qaisar-o-kisra ka KHatra

main banda hun janab-e-mustafa ka

salam us par darud us par 'jamali'

sabaq jis ne diya sabr-o-raza ka