kījiye raham ai shāh-e-madīna
Duub na jaa.e dil kā safīna
ham ko jo ġham hai to ye ġham hai
dekhā nahīñ darbār-e-madīna
aah bharī hijr-e-bat.hā meñ
siikh liyā ye ham ne qarīna
daulat-e-armāñ daulat-e-hasrat
in se hai mamlū dil kā ḳhazīna
us kā muqaddar us kī qismat
dekh liyā jis ne bhī madīna
yūñhī rasūloñ meñ shah-e-anvar
jaise ḳhātam par ho nagīna
sub.h-o-masā 'bahzād' kahe jā
haa.e madīna vaa.e madīna
kijiye raham ai shah-e-madina
Dub na jae dil ka safina
hum ko jo gham hai to ye gham hai
dekha nahin darbar-e-madina
aah bhari hijr-e-batha mein
sikh liya ye hum ne qarina
daulat-e-arman daulat-e-hasrat
in se hai mamlu dil ka KHazina
us ka muqaddar us ki qismat
dekh liya jis ne bhi madina
yunhi rasulon mein shah-e-anwar
jaise KHatam par ho nagina
subh-o-masa 'bahzad' kahe ja
hae madina wae madina
Source:
Naat-e-Huzoor (Pg. 38)
-
Author:
Behzad Lakhnavi
-
- Publisher: Maktaba Burhan, Delhi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.