lab pe aati hai sana ban ke aqidat meri

lab pe aatī hai sanā ban ke 'aqīdat merī

kaash maqbūl ho aaqā ko mohabbat merī

duur duniyā kā añdherā huā un ke dam se

aap kā sadqa-e-adnā hai basīrat merī

sāzgār un se huā gulshan-e-dīñ kā mausam

bū-e-īmāñ se mahak uTThī 'aqīdat merī

jo hai dīvāna-e-sarkār hai vo naġhma-sarā

suntī hai aap ke naġhmāt samā'at merī

paañv kā manzil-e-maqsūd maiñ un ke sadqe

rahbarī kartī hai har gaam sharī'at merī

mere allāh mirī itnī du'ā kar maqbūl

'ilm ke shahr se ho jaa.e mohabbat merī

arz-e-taiba ho ki 'abrār' zamīn-e-hindī

mere aaqā kī ġhulāmī hai virāsat merī

lab pe aati hai sana ban ke 'aqidat meri

kash maqbul ho aaqa ko mohabbat meri

dur duniya ka andhera hua un ke dam se

aap ka sadqa-e-adna hai basirat meri

sazgar un se hua gulshan-e-din ka mausam

bu-e-iman se mahak uTThi 'aqidat meri

jo hai diwana-e-sarkar hai wo naghma-sara

sunti hai aap ke naghmat sama'at meri

panw ka manzil-e-maqsud main un ke sadqe

rahbari karti hai har gam shari'at meri

mere allah meri itni du'a kar maqbul

'ilm ke shahr se ho jae mohabbat meri

arz-e-taiba ho ki 'abrar' zamin-e-hindi

mere aaqa ki ghulami hai wirasat meri