lab pe phir aa.ī hai fariyād rasūl-e-arabī
kījiye haañ mirī imdād rasūl-e-arabī
aap kī zaat har ik tarah se hai faḳhr-e-zamāñ
haq hai har aap kā irshād rasūl-e-arabī
thak ga.e hind ke ye roz-o-shab-o-shām-o-sahar
sunte sunte mirī fariyād rasūl-e-arabī
hijr-e-taiba meñ nahīñ ek ghaḌī mujh ko qarār
zindagī ho ga.ī barbād rasūl-e-arabī
aap ke haath meñ hai merā chaman merī bahār
taak meñ hai mirī sayyād rasūl-e-arabī
koī paidā na huā koī na paidā hogā
aap jaisā karam-ījād rasūl-e-arabī
bigḌī 'bahzād' kī lillāh banā deñ sarkār
kyoñ pareshāñ rahe 'bahzād' rasūl-e-arabī
lab pe phir aai hai fariyaad rasul-e-arabi
kijiye han meri imdad rasul-e-arabi
aap ki zat har ek tarah se hai faKHr-e-zaman
haq hai har aap ka irshad rasul-e-arabi
thak gae hind ke ye roz-o-shab-o-sham-o-sahar
sunte sunte meri fariyaad rasul-e-arabi
hijr-e-taiba mein nahin ek ghaDi mujh ko qarar
zindagi ho gai barbaad rasul-e-arabi
aap ke hath mein hai mera chaman meri bahaar
tak mein hai meri sayyaad rasul-e-arabi
koi paida na hua koi na paida hoga
aap jaisa karam-ijad rasul-e-arabi
bigDi 'bahzad' ki lillah bana den sarkar
kyon pareshan rahe 'bahzad' rasul-e-arabi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
