main hun sahib-e-saadat ki main nat likh raha hun

maiñ huuñ sāhib-e-sa'ādat ki maiñ naa't likh rahā huuñ

khulī aaj merī qismat ki maiñ naa't likh rahā huuñ

na hai kuchh kamāl mujh meñ na hai fan meñ kuchh mahārat

hai nabī se mujh ko nisbat ki maiñ naa't likh rahā huuñ

na qalam meñ istitā’at na zabāñ meñ aisī quvvat

mire rab kī hai mashiyyat ki maiñ naa't likh rahā huuñ

hai qalam bhī shaad merā hai varaq bhī ḳhud pe nāzāñ

hai suḳhanvarī kī nudrat ki maiñ naa't likh rahā huuñ

saf-e-avvalīñ meñ ‘hassāñ’ saf-e-āḳhirīñ meñ 'shādāb'

hai sahābiyoñ kī sunnat ki maiñ naa't likh rahā huuñ

main hun sahib-e-sa'adat ki main na't likh raha hun

khuli aaj meri qismat ki main na't likh raha hun

na hai kuchh kamal mujh mein na hai fan mein kuchh mahaarat

hai nabi se mujh ko nisbat ki main na't likh raha hun

na qalam mein istita’at na zaban mein aisi quwwat

mere rab ki hai mashiyyat ki main na't likh raha hun

hai qalam bhi shad mera hai waraq bhi KHud pe nazan

hai suKHanwari ki nudrat ki main na't likh raha hun

saf-e-awwalin mein ‘hassan’ saf-e-aKHirin mein 'shadab'

hai sahabiyon ki sunnat ki main na't likh raha hun