mere dil mein hai aarzu-e-mohammad

mire dil meñ hai ārzū-e-mohammad

ilāhī dikhā mujh ko kū-e-mohammad

ilāhī rahe quvvat-e-nutq jab tak

maiñ kartā rahūñ guftugū-e-mohammad

ye bār-e-gunah ye ḳhatā.eñ ye isyāñ

kahūñgā kyā kyā rū-ba-rū-e-mohammad

zarā ummat-e-zār kā haal kahnā

sabā jā rahī ho jo kū-e-mohammad

agar pā-barahna haiñ to ḳhauf kyā hai

haiñ gul asl meñ ḳhār-e-kū-e-mohammad

hai rang-e-mohammad zamāne pe chhāyā

basī hai zamāne meñ bū-e-mohammad

ibādat hai 'bahzād' un kī mohabbat

chalo ab chaleñ sū-e-kū-e-mohammad

mere dil mein hai aarzu-e-mohammad

ilahi dikha mujh ko ku-e-mohammad

ilahi rahe quwwat-e-nutq jab tak

main karta rahun guftugu-e-mohammad

ye bar-e-gunah ye KHataen ye isyan

kahunga kya kya ru-ba-ru-e-mohammad

zara ummat-e-zar ka haal kahna

saba ja rahi ho jo ku-e-mohammad

agar pa-barahna hain to KHauf kya hai

hain gul asl mein KHar-e-ku-e-mohammad

hai rang-e-mohammad zamane pe chhaya

basi hai zamane mein bu-e-mohammad

ibaadat hai 'bahzad' un ki mohabbat

chalo ab chalen su-e-ku-e-mohammad