mire lab pe ho kyā sivā.e mohammad
mire dil meñ haiñ jalva-hā-e-mohammad
hameñ ḳhauf-e-mahshar bhalā kis liye ho
hamārā ḳhudā hai ḳhudā-e-mohammad
nazar meñ mirī hasrat-e-dīd-e-taiba
mire dil meñ mauj-e-vilā-e-mohammad
zabāñ par mohammad mohammad na kyoñ ho
mirī zindagī hai barā.e mohammad
mirī zindagī hai mohammad ke hāthoñ
bigāḌe mohammad banā.e mohammad
zabān-e-mohammad zabān-e-ḳhudā hai
haiñ hukm-e-ḳhudā hukm-hā-e-mohammad
vo ḳhud jānte haiñ ḳhudā jāntā hai
hai 'bahzād' ko āsrā-e-mohammad
mere lab pe ho kya siwae mohammad
mere dil mein hain jalwa-ha-e-mohammad
hamein KHauf-e-mahshar bhala kis liye ho
hamara KHuda hai KHuda-e-mohammad
nazar mein meri hasrat-e-did-e-taiba
mere dil mein mauj-e-wila-e-mohammad
zaban par mohammad mohammad na kyon ho
meri zindagi hai barae mohammad
meri zindagi hai mohammad ke hathon
bigaDe mohammad banae mohammad
zaban-e-mohammad zaban-e-KHuda hai
hain hukm-e-KHuda hukm-ha-e-mohammad
wo KHud jaante hain KHuda jaanta hai
hai 'bahzad' ko aasra-e-mohammad
Source:
Naat-e-Huzoor (Pg. 28)
-
Author:
Behzad Lakhnavi
-
- Publisher: Maktaba Burhan, Delhi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.