mohammad mustafa salle-ala kya nam pyara hai

mohammad mustafā salle-'alā kyā naam pyārā hai

vahī allāh kā mahbūb aur aaqā hamārā hai

vahī kī jis ne har ik 'ājiz-o-be-kas kī ġham-ḳhvārī

vahī jo be-navāoñ aur yatīmoñ kā sahārā hai

vahī ujḌī huī mahfil ko aa kar jis ne raunaq dī

vahī bigḌe hue aḳhlāq ko jis ne sudhārā hai

vahī jis kī jamāl-e-jāñ-fizā par naaz ḳhāliq ko

vahī jo qudsiyoñ kā aur farishtoñ kā dulārā hai

vahī jis ne miTāyā kufr-e-‘ālamgīr ko aa kar

vahī jis ne jahāñ ko nūr-e-īmāñ se sañvārā hai

vahī tārīkiyāñ kiiñ duur jis ne shirk-o-bid'at kī

vahī sūraj bhī jis ke aage ik maddham sitārā hai

nigāh-e-‘adl meñ jis kī gadā-o-shāh yaksāñ the

himāyat jis ne kī mazlūm kī zālim ko maarā hai

usī ke vāste barpā huī ye mahfil-e-hastī

vahī jis kā zamīñ se āsmānoñ tak ijārā hai

koī insān 'mahvī' ho shikār-e-zulm-o-bedardī

kahāñ us kī nigāh-e-rahm-o-shafqat ko gavārā hai

darūd-e-be-hisāb us par salām-e-be-shumār us par

mirī jān-e-‘azīz o kā.enāt-e-dil nisār us par

mohammad mustafa salle-'ala kya nam pyara hai

wahi allah ka mahbub aur aaqa hamara hai

wahi ki jis ne har ek 'ajiz-o-be-kas ki gham-KHwari

wahi jo be-nawaon aur yatimon ka sahaara hai

wahi ujDi hui mahfil ko aa kar jis ne raunaq di

wahi bigDe hue aKHlaq ko jis ne sudhaara hai

wahi jis ki jamal-e-jaan-fiza par naz KHaliq ko

wahi jo qudsiyon ka aur farishton ka dulara hai

wahi jis ne miTaya kufr-e-‘alamgir ko aa kar

wahi jis ne jahan ko nur-e-iman se sanwara hai

wahi tarikiyan kin dur jis ne shirk-o-bid'at ki

wahi suraj bhi jis ke aage ek maddham sitara hai

nigah-e-‘adl mein jis ki gada-o-shah yaksan the

himayat jis ne ki mazlum ki zalim ko mara hai

usi ke waste barpa hui ye mahfil-e-hasti

wahi jis ka zamin se aasmanon tak ijara hai

koi insan 'mahwi' ho shikar-e-zulm-o-bedardi

kahan us ki nigah-e-rahm-o-shafqat ko gawara hai

darud-e-be-hisab us par salam-e-be-shumar us par

meri jaan-e-‘aziz o kaenat-e-dil nisar us par