mujhe bhi shauq hai aaqa ki ek nat likhun

mujhe bhī shauq hai aaqā kī ek na.at likhūñ

kalām-e-pāk meñ vārid sabhī sifāt likhūñ

siyāh zulf kī tafsīr ek raat likhūñ

ruḳh-e-rasūl ko maiñ nūr-e-kā.enāt likhūñ

ba-nām-e-tāhā-o-yāsīñ ba-nām-e-sarvar-e-dīñ

hayāt hī nahīñ arsa-gah-e-hayāt likhūñ

maiñ zāt-e-pāk kī taa.at ko āḳhirī dam tak

sukūn-e-qalb likhūñ mūjib-e-najāt likhūñ

navāzishāt-e-nazīr-o-bashīr likh luuñ jab

jamāliyāt likhūñ aur ḳhusūsiyāt likhūñ

sanā-e-ahmad-e-mursal meñ mahv ho jā.ūñ

ḳhudā ke baa'd faqat aap hī kī zaat likhūñ

mujhe bhi shauq hai aaqa ki ek nat likhun

kalam-e-pak mein warid sabhi sifat likhun

siyah zulf ki tafsir ek raat likhun

ruKH-e-rasul ko main nur-e-kaenat likhun

ba-nam-e-taha-o-yasin ba-nam-e-sarwar-e-din

hayat hi nahin arsa-gah-e-hayat likhun

main zat-e-pak ki taat ko aaKHiri dam tak

sukun-e-qalb likhun mujib-e-najat likhun

nawazishat-e-nazir-o-bashir likh lun jab

jamaliyat likhun aur KHususiyat likhun

sana-e-ahmad-e-mursal mein mahw ho jaun

KHuda ke ba'd faqat aap hi ki zat likhun