na gham se talluq na raghbat KHushi se

na ġham se ta'alluq na raġhbat ḳhushī se

nazar kheltī hai jamāl-e-nabī se

qadam ruk ga.e sabz gumbad ke dar par

milī mujh ko manzil rah-e-āgahī se

farozāñ huā jab charāġh-e-hidāyat

daraḳhshāñ dil-o-jāñ hue raushnī se

risālat kī tābāniyāñ allah allah

ujāle numāyāñ hue tīrgī se

nashāt-āfrīñ haiñ sujūd-e-tamanna

mirā dil hai zinda ġham-e-bandagī se

salīqa inheñ rabt-e-bāham kā de do

gurezāñ haiñ ab ummatī ummatī se

karam hai rasūl-e-mukarram kā 'zauqī'

ḳhushī chhan rahī hai ġham-e-zindagī se

na gham se ta'alluq na raghbat KHushi se

nazar khelti hai jamal-e-nabi se

qadam ruk gae sabz gumbad ke dar par

mili mujh ko manzil rah-e-agahi se

farozan hua jab charagh-e-hidayat

daraKHshan dil-o-jaan hue raushni se

risalat ki tabaniyan allah allah

ujale numayan hue tirgi se

nashat-afrin hain sujud-e-tamanna

mera dil hai zinda gham-e-bandagi se

saliqa inhen rabt-e-baham ka de do

gurezan hain ab ummati ummati se

karam hai rasul-e-mukarram ka 'zauqi'

KHushi chhan rahi hai gham-e-zindagi se