na KHauf khaenge hargiz kasi bala se hum

na ḳhauf khā.eñge hargiz kisī balā se ham

sukūn pā.eñge ab zikr-e-mustafā se ham

dar-e-habīb pe le jā ke ham ko dafn karo

milan kī aas meñ kahte rahe ḳhudā se ham

hameñ bhī ḳhvāb meñ aaqā ziyārateñ baḳhsheñ

ki faiz paane lageñge usī 'atā se ham

buland donoñ jahānoñ meñ ham raheñ aaqā

ye chāhte haiñ faqat aap kī 'atā se ham

bhulā ke aap ko duniyā talāsh karte rahe

hue haiñ past bahut apnī is ḳhatā se ham

mareñge aap ke qadmoñ meñ zikr karte hue

mileñge jā ke kisī roz phir baqā se ham

nazar milā.eñge ham se vo ek din 'ātif'

yuuñ mil hī jā.eñge ik roz rahnumā se ham

na KHauf khaenge hargiz kisi bala se hum

sukun paenge ab zikr-e-mustafa se hum

dar-e-habib pe le ja ke hum ko dafn karo

milan ki aas mein kahte rahe KHuda se hum

hamein bhi KHwab mein aaqa ziyaraten baKHshen

ki faiz pane lagenge usi 'ata se hum

buland donon jahanon mein hum rahen aaqa

ye chahte hain faqat aap ki 'ata se hum

bhula ke aap ko duniya talash karte rahe

hue hain past bahut apni is KHata se hum

marenge aap ke qadmon mein zikr karte hue

milenge ja ke kisi roz phir baqa se hum

nazar milaenge hum se wo ek din 'atif'

yun mil hi jaenge ek roz rahnuma se hum