pahuncha to raha hun dar-e-wala pe dua ko

pahuñchā to rahā huuñ dar-e-vālā pe du'ā ko

ab dekhiye manzūr hai kyā mere ḳhudā ko

insān-o-farishta dar-e-hazrat pe haiñ sar-ḳham

kis muñh se koī laa.e yahāñ apnī anā ko

allāh mujhe mad.h ke alfāz 'atā kar

maiñ pesh karūñ naa't shah-e-arz-o-samā ko

kab auj pe aa.egā mirā josh-e-mohabbat

kab hogī ḳhabar gulshan-e-taiba kī havā ko

ḳhāliq kī sanā ko to banāyā rah-e-manzil

aur mash'al-e-rah maiñ ne mohammad kī sanā ko

har ahl-e-nazar ne use sultān kahā hai

rutba ye milā hai tire kūche ke gadā ko

farmā.eñge sarkār-e-do-'ālam kabhī 'aḳhtar'

laao mire darbār meñ us mad.h-sarā ko

pahuncha to raha hun dar-e-wala pe du'a ko

ab dekhiye manzur hai kya mere KHuda ko

insan-o-farishta dar-e-hazrat pe hain sar-KHam

kis munh se koi lae yahan apni ana ko

allah mujhe madh ke alfaz 'ata kar

main pesh karun na't shah-e-arz-o-sama ko

kab auj pe aaega mera josh-e-mohabbat

kab hogi KHabar gulshan-e-taiba ki hawa ko

KHaliq ki sana ko to banaya rah-e-manzil

aur mash'al-e-rah main ne mohammad ki sana ko

har ahl-e-nazar ne use sultan kaha hai

rutba ye mila hai tere kuche ke gada ko

farmaenge sarkar-e-do-'alam kabhi 'aKHtar'

lao mere darbar mein us madh-sara ko