samjho KHuda-e-pak ka mansha huzur se

samjho ḳhudā-e-pāk kā manshā huzūr se

sīkho supurdagī kā salīqa huzūr se

maḳhlūq meñ ḳhudā kī hai insān ko sharaf

insān koī bhī nahīñ achchhā huzūr se

bā’d-az-ḳhudā buzurg yahī zāt-e-pāk hai

sab kuchh hai shash-jihat meñ huvaidā huzūr se

TūTegā har vujūd kā ā.īna ek din

mazbūt rakho jaan kā rishta huzūr se

ḳhair-ul-varā ke sadqe meñ ḳhair-ul-umam hue

jannat huā maqām hamārā huzūr se

har tālib-e-najāt ko is kī ḳhabar kahāñ

miltā hai har najāt kā rasta huzūr se

'vasfī' batāo manzil-e-qausain dekh kar

haq kā alag hai kaunsā jalva huzūr se

samjho KHuda-e-pak ka mansha huzur se

sikho supurdagi ka saliqa huzur se

maKHluq mein KHuda ki hai insan ko sharaf

insan koi bhi nahin achchha huzur se

ba’d-az-KHuda buzurg yahi zat-e-pak hai

sab kuchh hai shash-jihat mein huwaida huzur se

TuTega har wujud ka aaina ek din

mazbut rakho jaan ka rishta huzur se

KHair-ul-wara ke sadqe mein KHair-ul-umam hue

jannat hua maqam hamara huzur se

har talib-e-najat ko is ki KHabar kahan

milta hai har najat ka rasta huzur se

'wasfi' batao manzil-e-qausain dekh kar

haq ka alag hai kaunsa jalwa huzur se