tu jo allah ka mahbub hua KHub hua

tū jo allāh kā mahbūb huā ḳhuub huā

yā-nabī ḳhuub huā ḳhuub huā ḳhuub huā

shab-e-me.arāj ye kahte the farishte bāham

suḳhan-e-tālib-o-matlūb huā ḳhuub huā

ai shahanshāh-e-rusul faḳhr-e-rusul ḳhatm-e-rusul

ḳhuub se ḳhuub ḳhush-uslūb huā ḳhuub huā

hashr meñ ummat-e-āsī kā Thikānā hī na thā

baḳhshvānā tujhe marġhūb huā ḳhuub huā

husn-e-yūsuf meñ tirā nuur thā ai nūr-e-ḳhudā

chāra-e-dīda-e-yāqūb huā ḳhuub huā

the sabhī pesh-e-nazar ma.arka-e-karb-o-balā

sabr meñ sānī-e-ayyūb huā ḳhuub huā

faḳhr aadam ko na hotā jo farishta hotā

banī-ādam se jo mansūb huā ḳhuub huā

'dāġh' hai roz-e-qayāmat mirī sharm us ke haath

maiñ gunāhoñ se jo mahjūb huā ḳhuub huā

tu jo allah ka mahbub hua KHub hua

ya-nabi KHub hua KHub hua KHub hua

shab-e-mearaj ye kahte the farishte baham

suKHan-e-talib-o-matlub hua KHub hua

ai shahanshah-e-rusul faKHr-e-rusul KHatm-e-rusul

KHub se KHub KHush-uslub hua KHub hua

hashr mein ummat-e-asi ka Thikana hi na tha

baKHshwana tujhe marghub hua KHub hua

husn-e-yusuf mein tera nur tha ai nur-e-KHuda

chaara-e-dida-e-yaqub hua KHub hua

the sabhi pesh-e-nazar marka-e-karb-o-bala

sabr mein sani-e-ayyub hua KHub hua

faKHr aadam ko na hota jo farishta hota

bani-adam se jo mansub hua KHub hua

'dagh' hai roz-e-qayamat meri sharm us ke hath

main gunahon se jo mahjub hua KHub hua